Skólaárið 2025-2026

Sælir kæru foreldrar

Við í stjórn foreldrafélagsins viljum bjóða bæði börn og foreldra velkomin í skólann og þá sérstaklega þau sem byrjuðu ný nú í haust.

Í byrjun skólaársins viljum við kynna fyrir ykkur hlutverk foreldrafélagsins á Skerjagarði.

Í foreldrafélaginu eru allir foreldrar barna á leikskólanum meðlimir, það þarf ekkert að skrá sig sérstaklega.Foreldrar greiða í sameiginlegan sjóð foreldrafélagsins tvisvar á ári. Gjöldin fyrir hvert barn eru 3.500 kr. á önn, en 5.000 kr. fyrir systkini. Sjóður foreldrafélagsins er svo notaður til að standa straum af kostnaði við hina ýmsu viðburði og fræðslu, bæði innan leikskólans og utan. Það helsta sem ber að nefna eru t.d:

Leiksýning á leikskólanum eða viðburðir í kringum jól og á sumarhátíð

Rúta fyrir sveitaferðina að vori

Jólasveinapoki f. jólaball leikskólans

Bíósýning“ í leikskólanum

Ýmsir viðburðir utan hefðbundins skólatíma, t.a.m. á helgar-hittingar á rólóvöllum, bókasöfnum o.s.frv.

Þar að auki hefur foreldrafélagið síðustu ár boðið foreldrum upp á fræðsluviðburði, t.a.m. skyndihjálparnámskeiði f. foreldra og fyrirlestur frá sálfræðingi um sjálfsmynd og samskipti barna.

Foreldrafélagið er með lokaðan hóp á Facebook sem allir foreldrar barna á Skerjagarði eru hvattir til að skrá sig í hér: https://www.facebook.com/groups/579750488752142/

Þessi lokaði hópur er kjörinn fyrir spjall/spurningar varðandi leikskólastarfið eða bara hvað sem er. Þarna er líka vinsælt að auglýsa týndan fatnað eða lýsa eftir eigendum fatnaðar sem í misgripum fylgdi með á vitlaust heimili. Þarna auglýsum við í stjórninni líka viðburði foreldrafélagsins svo endilega komið í hópinn og verið með í fjörinu :)

Í stjórn foreldrafélagsins hafa verið 6 meðlimir (og tveir til vara), kjörnir á aðalfundi foreldrafélagsins. Við vonumst til þess að geta haldið aðalfund í sept/okt og hvetjum alla sem hafa áhuga á að bjóða sig fram í stjórn félagsins. Það er alltaf gaman þegar stjórnin hittist.

Kærar kveðjur,

Formaður foreldrafélagsins

S