Ból er yngri deild leikskólans þar sem að börnin eru frá 16 mánaða aldri og til að verða þriggja ára.

Deildinni er skipt efir aldri þar eru lykilpersónur sem sjá um hvorn aldurshóp fyrir sig. Á Bóli er leitast við að hvert barn fái að njóta sín í barnahópnum og hafi frelsi til að upplifa ólíkan efnivið í leik og starfi. Við notum við til dæmis leir, jarðleir, liti, vatnsliti, vatn og fleira til að ná fram þessum eiginleika hjá börnum að uppgötva á eigin skinni ólíkan efnivið. Við leggjum áherslu á að vinna með málörvun í öllu okkar starfi, við teljum það almennt gott fyrir barnahópinn enda eru þetta börn á máltökualdrinum. Leikurinn er allsráðandi á Bóli og auðvitað opin efniviður. Hlutverkaleikur/flæði fær tíma í dagskipulaginu þar sem settar eru upp stöðvar með leikefni við hæfi eins og dúkkur, bílar, kubbar og fleira er notað í daglegu starfi deildarinnar. Börnin læra í gegnum leik að deila með örðum skiptast á og vera góð við hvort annað.

Deildarstjóri er Guðfinna Kristjánsdóttir.